काठमाडौं–प्रभु लाइफ इन्स्योरेन्सले आफ्ना नयाँ तीन शाखा कार्यालयहरु नेपालगञ्ज शाखा, घोराही शाखा तथा बुटवल शाखा संचालन गरी कारोबार सुरु गरेको छ ।

तीनवटै शाखा कार्यालयको उद्घाटन गर्दै कम्पनीका अध्यक्ष डा. आत्मा राम घिमिरले शाखाहरु विस्तारको क्रममा रहेको बताए । उनले पश्चिम नेपालका बिभिन्न स्थानहरुमा भएका शाखा बिस्तारबाट आफू हर्षित भएको र यस क्षेत्रका बासिन्दाहरुलाई समेत प्रभु लाइफ इन्स्योरेन्सको बीमा सेवाबाट लाभ लिन आग्रह गरे ।

कार्यक्रममा कम्पनीका नि. प्रमुख कार्यकारी अधिकृत किशोर प्रसाद लामिछानेले जीवन बीमालाई गाउँसम्म पुर्याउने उद्देश्य सहित प्रभु लाइफ इन्स्योरेन्सको स्थापना भएको बताउँदै कम्पनीले जीवन बीमा बजारमा महत्वपूर्ण स्थान बनाउने दाबी गरे । आगामी दिनहरुमै कम्पनीले देशैभरी थप शाखाहरु बिस्तार गर्दे लैजाने जानकारी गराए ।