काठमाडौं – यामाहा नेपालले दसैँलाई लक्षित गरी ‘चंगा चेट, जितको नयाँ अपग्रेड’ नामक नयाँ फेस्टिभ क्याम्पेन सार्वजनिक गरेको छ । यसमार्फत ग्राहकलाई यामाहाका नयाँ प्रविधियुक्त मोटरसाइकल तथा स्कुटरमा अपग्रेड हुन प्रोत्साहित गरिएको छ ।

नयाँ पुस्ताको प्रविधि, स्पोर्टी डिजाइन र उत्कृष्ट प्रदर्शनलाई एकसाथ प्रस्तुत गर्दै यामाहाले ग्राहकलाई यस पर्वमा दुईपांग्रे सवारीसाधनसँगै थप खुसी मनाउने अवसर प्रदान गरेको हो ।

यस अभियानअन्तर्गत ग्राहकले क्यूआर कोड स्क्यान गरी रजिस्ट्रेसन गरेर एक लाख रुपैयाँसम्मका पुरस्कार जित्ने मौका पाउनेछन् ।

खरिद गरेको सवारीसाधनको भेरिफिकेसन गरेपछि भने ग्राहकले १० लाख रुपैयाँसम्मको पुरस्कार जित्ने अवसर पाउनेछन् ।

यो यामाहाले ल्याएका अहिलेसम्मकै ठूला चाडपर्व लक्षित अफरमध्ये एक हो । साथै, रजिस्ट्रेसन गरेका ग्राहकले हरेक हप्ता विभिन्न हाइटेक ग्याजेट जित्ने मौका पनि पाउनेछन्, जसले यस अभियान अवधिभर थप उत्साह थप्नेछ ।

अभियानको ग्रान्ड प्राइजअन्तर्गत एकजना भाग्यशाली विजेताले ब्राण्ड न्यू यामाहा आर१५ घर लैजान पाउनेछन् ।

चाडपर्वको समयमा सवारीसाधन खरिदलाई सहज बनाउन यामाहाले स्पट एक्सचेन्ज सुविधा पनि उपलब्ध गराएको छ ।

यस सुविधामार्फत ग्राहकले आफ्नो पुरानो सवारीसाधन तत्काल एक्सचेन्ज गर्न सक्नेछन् । साथै, एमएडब्लू हायर पर्चेजमार्फत इजी फाइनान्स सुविधा पनि उपलब्ध हुनेछ ।

ग्राहकले यामाहाको “लैजाऊ घरमा, नागरिकताको भरमा” योजना पनि लिन सक्नेछन्, जसअन्तर्गत नागरिकताको कागजात मात्र बुझाएर सवारीसाधन घर लैजान सकिनेछ ।

यस अभियानमा यामाहाका स्पोर्ट्स बाइक, कम्युटर मोटरसाइकल र स्कुटरसहित सम्पूर्ण मोडल रेन्ज समेटिएको छ । यसले ग्राहकलाई यो दसैँमा आफ्नो आवश्यकता र रोजाइअनुसार विभिन्न विकल्प छनोट गर्ने अवसर प्रदान गर्नेछ । चाडपर्वको समयमा नेपाली ग्राहकका लागि उत्कृष्ट प्रदर्शन र सहज पहुँचलाई एकसाथ अघि बढाउने आफ्नो निरन्तरको प्रतिबद्धतालाई यो अभियानले प्रतिबिम्बित गर्ने यामाहाले जनाएको छ ।

यसका अतिरिक्त, यामाहाले यस अभियानबाट प्राप्त आम्दानीको केही हिस्सा हालैको बाढीबाट प्रभावित समुदायको सहयोगका लागि प्रधानमन्त्री राहत कोषमा योगदान गर्ने घोषणा गरेको छ । यसले चाडपर्वको उत्सवमा सामाजिक उत्तरदायित्वलाई पनि जोडेको छ ।