काठमाडौं–  साताको पहिलो कारोबार दिन सेयरबजार सामान्य अंकले घटेको छ । आज नेपाल स्टक एक्सचेञ्ज (नेप्से) परिसूचक ०.०४ प्रतिशत अर्थात १.२० अंकले घटेर २ हजार ६८४.३३ विन्दुमा सीमित बनेको छ।

आज ३४९ कम्पनीको १ करोड १४ लाख ३ हजार कित्ता शेयर किनबेच हुँदा ४ अर्ब ५४ करोड ७७ लाख रुपैयाँको कारोबार भएको हो ।

आज कारोबारमा आएका १३ वटा समूहमध्ये ८ वटामा हरियाली छायो भने ५ वटा समूहमा रातो पोतियो । आज म्युचुअल फण्ड समूह सर्वाधिक अर्थात ०.४९ प्रतिशतले बढ्यो ।

यस्तै बैंकिङ समूह ०.२६ प्रतिशत, विकास बैंक समूह ०.२३, होटल ०.०१, जीवन बीमा ०.०९, लघुवित्त ०.३० र निर्जीवन बीमा ०.३० प्रतिशतले बढ्यो । हाईड्रो समूह आज ०.३१ अंकले बढ्यो ।

आज व्यापार समूह सर्वाधिक अर्थात ०.९३ प्रतिशतले घट्यो । यस्तै फाइनान्स ०.२९ प्रतिशत, लगानी ०.१०, उत्पादन तथा प्रशोधन ०.५७ र अन्य ०.८३ प्रतिशतले घट्यो ।