काठमाडौं– हिमालयन एभरेष्ट इन्स्योरेन्स लि.ले सिंगापुरमा आयोजित इन्स्योरेन्स एशिया अवार्ड २०२४ मा ‘डोमेस्टिक जेनेरल इन्स्योरर–नेपाल’ र  ‘स्ट्राटजिक पार्ट्नरशिप अफ द इयर–नेपाल’ अवार्ड पाएको छ ।

यस बारेमा बोल्दै कम्पनीका डेपुटी जेनेरल म्यानेजर सञ्जय अर्याल भने “यी अवार्डहरूले हामीलाई नयाँ मापदण्डहरू बनाउन र हाम्रा सेवाग्राहीहरुलाई अझै उत्कृष्ट सेवाहरू प्रदान गर्न प्रेरित गरेको छ । हामीलाई यहाँसम्म आइपुग्न साथ दिने समस्त सेवाग्रही तथा साझेदारहरुप्रति आभार व्यक्त गर्न चाहन्छौं।”

यी दुवै अन्तरराष्ट्रिय अवार्डहरूले डिजिटल सेवाहरू र एनसेल, ई-सेवा र खल्ती जस्ता कम्पनीहरूसँगको साझेदारीमार्फत वित्तीय समावेशीकरणलाई प्रबर्द्धन गर्न  निर्वाह गरेको मुख्य भूमिकालाई उजागर गरेको पनि कम्पनीको भनाइ छ ।

यी उपलब्धिहरूले बीमा उद्योगमा हिमालयन एभरेष्ट इन्स्योरेन्सको नेतृत्व, नवप्रवर्तन र उत्कृष्टताप्रतिको समर्पणलाई बलियोे बनाएको पनि कम्पनीले बताएको छ ।