चितवन– एशियन लाइफ इन्स्योरेन्स कम्पनीले पर्सा बजार चितवनमा नयाँ उपशाखा सञ्चालनमा ल्याएको छ ।
कम्पनीको उपशाखा कार्यालय उद्घाटन कम्पनी नारायणगढ शाखा कार्यालयका प्रबन्धक घनश्याम पुरीले गरेका हुन् ।
कम्पनीले नारायणगढ शाखा अन्तर्गत खैरहनी नगरपालिका ८ पर्सा बजारमा बुधबारबाट उपशाखा सञ्चालन गरेको हो ।
शाखा उद्घाटन कार्यक्रममा विभिन्न बैंकका शाखा प्रबन्धक, कम्पनीका अभिकर्ताहरु, स्थानीय पत्रकार, स्थानिय विशिष्ट व्यक्तिहरु तथा कर्मचारीहरुको सहभागिता रहेको थियो ।