लाइन्स क्लब अन्तराष्ट्रियका पूर्व गर्भनर मधुकर उपाध्याय सानैदेखी समुहमा काम गर्न मन पराउथे । समुहमा रहेर केहि गर्नु पर्दछ भन्ने सोच भएका उपाध्यायले समुहमा मिलेर स्कुल/कलेज पढ्दा धेरै सामाजिक काम पनि गरेका छन् । त्यहि प्रभाव बढ्दै गएर अहिले सामाजिक क्षेत्रको ठुलो संस्थाको महत्वपूर्ण जिम्मेवारी निर्बाह गरिसकेका छन् । अहिले उनी सामाजिक कामसगैं सहकारी अभियन्ताको रुपमा पनि सक्रिय छन् । धनुषामा जन्मेका उपाध्याय समाजका लागि केहि गर्नु पर्दछ भन्ने सोचका साथ काम गरिरहेका छन् । धनुषामा सहकारी र मनि ट्रान्सफरको कामबाट आफ्नो व्यवसायीक जिवन सुरु गरेका उपाध्याय अहिले काठमाडौंमा रहेको लाइन्स मित्र बहुउद्देश्य सहकारीको बोर्ड सदस्यको रुपमा काम गरिरहेका छन् ।
असल नागरिक बनेर देश र जनताको सेवा गर्नु पर्दछ भन्ने भावना भएका उपाध्याय सन् २००० बाट धनुषामा हुँदा नै लाइन्स क्लवसंग आवद्ध भएका थिए । उनले यस संस्था मार्फत निरन्तर सामाजिक काममा सक्रियता पूर्वक लागिरहेका छन् । कर्ममा विश्वास राख्ने उपाध्याय धर्तिमा जन्मिएपछि समाजको लागि केहि गर्नुपर्ने मान्यता राख्दछन् । मृत्युपछि सबैले सम्झने काम गर्न सकेमा मात्र जीवनमा सफल हुने उपाध्याय बताउँछन् ।

धनुषाबाट स्नातकसम्मको अध्ययन पुरा गरेका उपाध्यायले काठमाडौंको त्रिभुवन विश्वविद्यालयबाट एमएसम्मको अध्ययन पुरा गरे । अहिले उनी सहकारी र लाइन्स क्लव मार्फत समाजसेवामा क्रियाशिल रहेका छन् । स्वयमसेवकहरुको संस्थाको रुपमा रहेको लाइन्स क्लव नेपालमा स्वास्थ्य क्षेत्रमा बढि सक्रिय रहेको छ । २९ हजार भन्दा पनि व्यक्ति नेपालमा लाइन्स क्लवमा आवद्ध रहेको उनले जानकारी दिए । लाइन्स क्लवमा आवद्ध भएका व्यक्तिहरुको सहयोगबाट सामाजिक काम गर्ने भएको हुँदा यो संस्थाका लागि कुनै सहयोग नआउने उपाध्यायले बताए । आफ्नो व्यवसायीक कामबाट समय निकालेर समाजको लागि केहि गर्ने उद्देश्य बोकेका व्यक्तिहरु लाइन्स क्लवमा आवद्ध हुने गर्दछन् । लाइन्स क्लवले सरकारी निकायहरुको सहकार्यमा स्वास्थ्य सम्बन्धी जनचेतना तथा शिविरका साथमा स्वास्थ्य कार्यक्रमहरु सञ्चालन गर्दै आएको छ । अहिले कर्णाली क्षेत्रमा चौधरी फाण्डेशनकोसंगको सहकार्यमा उद्यमशिलता कार्यक्रम सञ्चालन गर्दै आएको छ । सोसल विजनेशको रुपमा कर्णाली क्षेत्रमा त्यहिको जनशक्ति र कच्चा पदार्थको उपयोग गरेर उद्योग सञ्चालन गरिरहेको उपाध्यायले बताए ।

असल नागरिक बनेर देश र जनताको सेवा गर्नु पर्दछ भन्ने भावना भएका उपाध्याय सन् २००० बाट धनुषामा हुँदा नै लाइन्स क्लवसंग आवद्ध भएका थिए । उनले यस संस्था मार्फत निरन्तर सामाजिक काममा सक्रियता पूर्वक लागिरहेका छन् । कर्ममा विश्वास राख्ने उपाध्याय धर्तिमा जन्मिएपछि समाजको लागि केहि गर्नुपर्ने मान्यता राख्दछन् । मृत्युपछि सबैले सम्झने काम गर्न सकेमा मात्र जीवनमा सफल हुने उपाध्याय बताउँछन् ।

साथै लाइन्स क्लव अन्तराष्ट्रियले २०७५ सालमा अत्याधुनिक ब्लड बैंक सञ्चालन गर्ने तयारी गरिरहेको छ । देश विकासको लागि सामाजिक सद्भाव र आर्थिक सम्बृिद्ध तर्फ देशलाई लैजानु पर्ने आवश्यकता रहेको उनले देखेका छन् । नेपालमा सहकारी क्षेत्रले आर्थिक विकासको लागि ठुलो योगदान दिएको छ । बैकिङ क्षेत्र नपुगेका क्षेत्रमा सहकारी पुगेको छ भने मानिसमा बचत गर्ने बानिको विकास भएको उपाध्याय बताउँछन् । बचत गर्नुका साथै व्यवसायमा लगानी गर्नका लागि सहज  ऋण पाउने भएको हुँदा किसानदेखी व्यवसायीलाई ठुलो सहयोग पुगेको छ । हरेक कुरामा उज्यालो पक्षसगैं अध्यारो पनि हुने गर्दछ । हरेक क्षेत्रमा केहि समस्या भएको हुँदा सहकारी क्षेत्रमा पनि अहिले त्यस्तो समस्या नभएको उपाध्याय बताउँछन् । राज्यले सहकारीलाई निगरानी तथा सहयोग गर्नुपर्दछ । यस तर्फ राज्यले ध्यान दिनु पर्दछ । सहकारीले समाजमा धेरै राम्रो काम गरेको छ । उपाध्याय भन्छन् –‘सहकारी मर्ज हुनु राम्रो हो । यसलाई सकारात्मक रुपमा लिएको छु ।’
जीवन भनेको आफ्नो लागि मात्रै होइन देश र समाजको लागि पनि केहि गर्न सकेमा जन्मनुको सार्थकता हुने उनको बुझाइछ । समाजको लागि सकारात्मक सोचका साथ जति सकिन्छ त्यति योगदान गर्नुपर्ने उपाध्यायको मान्यता छ । समाजले भ्रष्टाचारलाई जबसम्म बहिस्कार गर्दैन तबसम्म भ्रष्टाचार नघट्ने उपाध्याय बताउँछन् ।
परिवारको साथ विना कुनै पनि काम सम्भव हुँदैन । अहिले श्रीमति र छोरीको साथ खुशीसाथ आफ्नो जीवन बिताइरहेका छन् ।

प्रस्तुति : मनोज थापा