अर्थ नेपाल काठमाडौं/बीएमडब्लू—७ निमेन मार्कस मोटरसाइकललाई अहिलेसम्मकै सबैभन्दा महँगो मोटरसाइकल मानिएको छ । जर्मनीको अटोमोबाइल्स कम्पनी बीएमडब्लूले बनाएको यो मोटरसाईकल पछि यो सिरिजको कुनै मोटरसाइकल निर्माण नभएको कम्पनिले जनाएको छ ।

यो मोटरसाइकललाई अमेरिकामा लिलाम बढाबढका आधारमा पहिलो पटक बिक्री गर्दा तीमध्ये एउटा मोटरसाइकलले १ करोड १० लाख अमेरिकी डलर मूल्य पाएको थियो । यो मूल्य अमेरिकामा बिक्री हुने अन्य महँगा मोटरसाइकलको तुलनामा १ सय गुणा बढी हो । यो मोटरसाईकल जम्मा ४५ थान निर्माण गरिएको बीएमडब्लू कम्पनीले जनाएको छ ।