काठमाडौं–  साता कारोबारको अन्तिम दिन अर्थात बिहीबार  नेपाल स्टक एक्सचेञ्ज (नेप्से) १.६६ अकंले घटेर २६०७.३७ बिन्दुमा कायम भएको छ । ३२६ कम्पनीको ७७ लाख ६८ हजार ६०१ कित्ता शेयर किनबेच हुँदा ३ अर्ब ४९ करोड ७९ लाख रुपैयाँको कारोबार भएको हो ।

१३ उपसमूहमध्ये यस दिन ५ उपसमूहको परिसूचक बढेको छ भने ८ उपसमूहको परिसूचक घटेको छ। यस दिन बैंकिङ्ग, जीवन बीमा, उत्पादन तथा प्रशोधन, लघुवित्त र व्यापार उपसमूहको परिसूचक सामान्य बढेको हो। बिहीबार  ९८ कम्पनीको शेयर मूल्य बढेको छ भने १४९ कम्पनीको घटेको हो ।

बिहीबार नेप्से परिसूचक १.६६ अंक घटेर २६०७.३७ विन्दुमा झरेको छ। यस दिन सेन्सेटिभ इण्डेक्स ०.११ अंक बढेको छ भने फ्लोट इण्डेक्स ०.१० अंक र सेन्सेटिभ फ्लोट इण्डेक्स ०.०७ अंक घटेको छ।

आज सबैभन्दा धेरै ङादी ग्रुप पावरको शेयर कारोबार भएको छ । आज यस कम्पनीको १८ करोड ९७ लाख रुपैयााको शेयर कारोबार भएको छ । श्रीनगरको १२ करोड ३५ लाख रुपैयाँको शेयर कारोबार भएको छ ।