काठमाडौं – आर्थिक वर्ष २०८२/८३ को भदौ महिनाको तथ्याङ्क अनुसार, वार्षिक आधारमा उपभोक्ता मूल्य सूचकाङ्कमा आधारित मुद्रास्फीति १.८७ प्रतिशत रहेको छ।

कुल विदेशी विनिमय सञ्चिति रु. २,८८१ अर्ब ३५ करोड (अमेरिकी डलरमा २० अर्ब ४१ करोड) पुगेको छ, जुन १६ महिनासम्मको आयात धान्न पर्याप्त छ। चालु खाता रु. १३० अर्ब ६९ करोड र शोधनान्तर स्थिति रु. १५३ अर्ब ६८ करोड बचतमा रहेको छ।

भदौ महिनामा विप्रेषण आप्रवाह नेपाली रूपैयाँमा ३३.१ प्रतिशत र अमेरिकी डलरमा २७.६ प्रतिशत ले वृद्धि भई रु. १७४ अर्ब ६७ करोड पुगेको छ। निर्यात ८८.६ प्रतिशत र आयात १६.२ प्रतिशत ले बढेको छ।

सरकारी खर्च रु. १८० अर्ब १७ करोड र राजस्व रु. १५७ अर्ब ५३ करोड रहेको छ। वार्षिक आधारमा वस्त्र तथा मुद्राप्रदाय १२.४ प्रतिशत ले वृद्धि भएको छ।

बैंक तथा वित्तीय संस्थाहरूको निक्षेप ०.५ प्रतिशत र निजी क्षेत्रमा प्रवाहित कर्जा ०.९ प्रतिशत ले बढेको छ। वार्षिक वृद्धिदर निक्षेपमा १२.५ प्रतिशत र कर्जामा ७.८ प्रतिशत रहेको छ।

अन्तरबैंक कारोबारको भारित औसत ब्याजदर २.७५ प्रतिशत र ९१–दिनको ट्रेजरी बिलको २.१३ प्रतिशत रहेको छ। वाणिज्य बैंकहरूको निक्षेपको औसत ब्याजदर ३.९६ प्रतिशत र कर्जाको ७.६६ प्रतिशत रहेको छ।