काठमाडौं- आज नेप्से परिसूचक ४४.२५ अंकले बढेर २५४७.६० बिन्दुमा पुगेको छ। आज ३३० कम्पनीका ९९ लाख ४ हजार कित्ता शेयर किनबेच हुँदा ४ अर्ब ९७ करोड ५४ लाख रुपैयाँको कारोबार भएको छ।

आज २ सय कम्पनीको शेयर मूल्य बढेको छ भने ४४ कम्पनीको शेयर मुल्य घटेको छ । आज सबैभन्दा धेरै एनआरएनको शेयर कारोबार भएको छ । आज यस कम्पनीको ३१ करोड ९१ लाख रुपैयाँको शेयर कारोबार भएको छ ।

वाणिज्य बैंक समूह ०.२८ प्रतिशत, विकास बैंक समूह १.४१ प्रतिशत, फाइनान्स समूह १.०२ प्रतिशत र होटल तथा पर्यटन समूह ३.३५ प्रतिशतले वृद्धि गरेको छ।