काठमाडौं – साता कारोबारको तेस्रो दिन मंगलबार नेप्से परिसूचक ० दशलमव २२ अंकले घटेर २,६०० को विन्दुमा कायम भएको छ ।

मंगलबार कारोबार भएका ३१६ वटा कम्पनीहरुको एक करोड ३८ लाख १८ हजार कित्ता शेयर खरिद–बिक्री भएर पाँच अर्ब ७६ करोड ७८ लाख रुपैयाँको कारोबार भएको छ ।

आज बैंकिङ्ग, इन्भेष्टमेन्ट, माइक्रोफाइनान्स लगायतका इन्डेक्सहरुमा हरियाली छाएको छ ।  आज १०७ कम्पनीको शेयर मूल्य बढेको छ भने १४२ कम्पनीको शेयर मूल्य घटेको छ । आज सबैभन्दा धेरै बुटवल पावर कम्पनीको शेयर कारोबार भएको छ । आज यस कम्पनीको २७ करोड ६५ लाख रुपैयाँको शेयर कारोबार भएको छ ।