काठमाडौं औनेपाल अटोमोबाइल इम्पोर्टर्स एण्ड म्यान्युफ्याक्चरर्स एसोसिएसन (नाईमा)ले नेपालको सबैभन्दा ठूलो मोबिलिटी शोको घोषणा गरेको छ । आगामी साउन २१ गतेदेखि २५ गतेसम्म काठमाडौंको भृकुटीमण्डपमा ‘नेपाल मोबिलिटी शो २०२५’ आयोजना गर्ने घोषणा गरेको छ।

बुधबार काठमाडौंमा आयोजित एक कार्यक्रमकाबीच एसोसिएसनले ‘मोबिलिटी मार्फत सशक्तिकरण ग्रोथ’ भन्ने आकर्षक सन्देशका साथ मोबिलिटी शोको घोषणा गरेको हो ।
‘नेपाल मोबिलिटी शो २०२५’ को संयोजकको जिम्मेवारी गौरव सारडालाई दिइएको छ। संयोजक सारडाले कार्यक्रममै एक्स्पोको लोगो सार्वजनिक गरे। पाँच दिनसम्म चल्ने यस प्रदर्शनीमा अग्रणी अटो ब्रान्डहरू, नयाँ प्रविधि र विद्युतीय सवारीसाधनका आकर्षक मोडेलहरू प्रस्तुत गरिने नाइमाको भनाइ छ।

कार्यक्रममा युनाइटेड ट्रेडरर्स सिन्डिकेट प्रा.लिको अध्यक्ष रितु सिंह वैद्यले एनएआईएमएको उद्देश्य रणनीतिक वकालत, नवीनता मार्फत प्रगति ड्राइभिङ मा केन्द्रित रहेको बताइन् । संघले ‘सबैका लागि गतिशीलता’ सक्षम गर्ने अटोमोटिभ इकोसिस्टमलाई आकार दिन सरकारी निकाय, निजी क्षेत्र र नागरिक समाजसँग काम गर्दै परिवर्तनको उत्प्रेरक बन्ने लक्ष्य राखेको पनि उनले जानकारी दिइन् ।

उनले भनिन्,‘एनएआईएमएको मिसन रणनीतिक वकालत, नवीनता समर्थन मार्फत प्रगति ड्राइभिङ मा केन्द्रित छ। र सहयोग। संघले ‘सबैका लागि गतिशीलता’ सक्षम गर्ने अटोमोटिभ इकोसिस्टमलाई आकार दिन सरकारी निकाय, निजी क्षेत्र र नागरिक समाजसँग काम गर्दै परिवर्तनको उत्प्रेरक बन्ने लक्ष्य राखेको छ ।’

नाइमाले प्रदर्शनीकर्तालाई २५ प्रतिशत सस्तो र व्यवस्थित स्टल दिने दाबी छ । अवलोकनकर्तालाई कम मूल्यमा टिकेट दिनेदेखि मिडिया र बिजनेश डेको लागि अलगै दिनको व्यवस्था गर्ने नाइमाको भनाइ छ ।