काठमाडौं –नेपाल स्टक एक्सचेन्ज (नेप्से) ले मार्जिन कारोबार योग्य सूचीकृत कम्पनीहरुको सूची सार्वजनिक गरेको छ । नेप्सेले मार्जिन कारोबार सुविधा सम्बन्धी कार्यविधि, २०७५ को परिच्छेद ३ को दफा ८ बमोजिम मापदण्ड पुरा गरेका कम्पनीहरुको सूची मार्जिन कारोबारको लागि योग्य भनि सार्वजनिक गरेको हो ।

कार्यविधिको दफा ९(१) मा रहेको व्यवस्था बमोजिम नेप्सेले सूची सर्वजनिक गरेको हो । यस संगै अब सूचीमा रहेका कम्पनीको शेयर राखेर लगानीकर्ताले मार्जिन कारोबार सेवा लिन सक्ने छन् । हाल नेप्सेमा सूचीकृत कम्पनीको संख्या २६७ छ। सूचीकृत आधाभन्दा धेरै कम्पनी मार्जिन कारोबारका लागि अयोग्य देखिएका हुन् ।  मार्जिन कारोबारको लागि १०२ कम्पनी योग्य देखिएका छन् ।