काठमाडौं – पछिल्लो समय अमेरिकी डलरको मुल्यले दिनहुँ जस्तै नयाँनयाँ रेकर्ड कायम गरेको छ । यसैबीच आज पुस ३ गते बुधबार पनि नयाँ उचाई चुमेको छ । नेपाल राष्ट्र बैंकका अनुसार १ अमेरिकी डलरको मुल्य  (बिक्रीदर) १३६ रुपैयाँ १४ पैसा कायम भएको छ । यस्तै, खरिददर १३५ रुपैयाँ ५४ पैसा छ । हिजो मंगलबार १ अमेरिकी डलरको भाउ १३६ रुपैयाँ ०९ पैसा पुगेर रेकर्ड कायम गरेको थियो ।

डलरको मुल्य महंगो हुँदा पर्यटन क्षेत्र, निकासीकर्ता र रेमिट्यान्स रकम पठाउनेलाई मात्र केहि फाइदा हुन्छ। तर आयातको हिस्सा धेरै भएकोले डलर महंगिदा फाइदाभन्दा बेफाइदा बढी हुने जानकारहरु बताउछन्।