काठमाडौं– श्रीलंकाले एसिसी महिला एसिया कप २०२४ को उपाधि जितेको छ। आइतबार श्रीलंकाको दम्बुलामा भएको फाइनलमा घरेलु टोलीले भारतलाई ८ विकेटले पराजित गरेको हो।

टस जितेर पहिले ब्याटिङ गरेको भारतले ६ विकेटको क्षतिमा १६५ रन जोड्यो। उसका लागि स्मृति मन्धनाले सर्वाधिक ६० रन जोडिन् भने ऋचा घोषले ३० रनको योगदान गरिन्। बलिङमा श्रीलंकाकी कभिसा दिलहरीले २ विकेट लिए।

१६६ रनकको लक्ष्य श्रीलंकाले १८।४ ओभरमा २ विकेटको क्षतिमा पूरा गर्‍यो। ओपनर गुणरत्ने एक रनमा आउट भए पनि चमरी अथापथ्थुले ६१ र हर्षिताले नटआउट६९ रन जोडिन्।

आयोजक राष्ट्र श्रीलंकाकी कप्तान अथापथ्थु प्लेयर अफ सिरिज भइन्। श्रीलंकाले पहिलो पटक एसिया कप जितेको हो।