काठमाडौँ —नेपाल पुनर्बिमा कम्पनीको प्रमुख कार्यकारी अधिकृत (सीईओ)मा सुरेन्द्र थापा नियुक्त भएका छन् । शनिवार बसेको कम्पनी सञ्चालक समितिको बैठकले आगामी चार वर्षका लागि थापालाई उक्त पदमा नियुक्त गर्ने निर्णय गरेको थियो ।

निवर्तमान सीईओ शंकर रायमाझीको कार्यकाल सकिएपछि रिक्त रहेको पदमा सञ्चालक समितिले थापालाई नियुक्त गर्ने निर्णय गरेको हो ।

कम्पनीको सीईओ छनोट समितिले दामोदर भण्डारी, नारायणकुमार भट्टराई, बुद्धीकाजी श्रेष्ठ, श्रीमान कार्की र सुरेन्द्र थापालाई सर्टलिष्टमा छनोट गरेको थियो । उनीहरुको गत शुक्रबार अन्तरवार्ता समेत भएको थियो ।