काठमाडौं महुली लघुवित्त वित्तीय संस्था लिमिटेडले ४४ हजार ९१३ कित्ता संस्थापक शेयर बिक्रीमा राखेको छ । कम्पनीले संस्थापक शेयरधनीहरू प्रिजम कलर स्क्यानिङ्ग एण्ड प्रेस सपोर्टको नाममा रहेको ४१ हजार २७ कित्ता र शालिक राम बेलबासेको नाममा रहेको ३ हजार ८८६ कित्ता शेयर बिक्रीमा राखेको हो ।

उक्र शेयरमा संस्थाका हाल विद्यमान संस्थापक शेयरधनीहरूले आवेदन दिन पाउनेछन् । शेयर खरिद गर्न ईच्छुक संस्थाका शेयरधनीहरूले आवश्यक कागजात सहित ३५ दिनभित्र सप्तरीको महुलीस्थित कम्पनीको केन्द्रीय कार्यालयमा आवेदन दिनुपर्नेछ । शेयरको मूल्य बिक्रेताले तोकेबमोजिम हुनेछ ।

संस्थाले तोकेको उक्त समयमा पनि संस्थापक शेयर विक्रीका लागि कुनै पनि आवेदन नपरेमा कम्पनीले अन्य व्यक्ति वा संस्थाहरूलाई शेयर बिक्री गरिने जनाएको छ ।