काठमाडौं– नेपाल स्टक एक्सचेञ्ज (नेप्से) ले हाल कायम चुक्ता पूँजीको ६४ प्रतिशतका दरले नगद लाभांश वितरण गर्ने भएको छ। नेप्सेल हाल कायम चुक्ता पुँजी १ अर्बको ६४ प्रतिशत अर्थात् ६४ करोड रुपैयाँका दरले नगद लाभांश वितरण गर्ने भएको हो ।

नेप्सेले सो प्रस्ताव पारित गर्न पुस २९ गते, आइतबार, आफ्नो कार्यालयमा ४२ औँ वार्षिक साधारण सभा बोलाएको छ। सो सभा बिहान ११ बजे शुरु हुनेछ। सभाले गत आर्थिक वर्षको वित्तीय विवरण स्वीकृत गर्ने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ।