काठमाडौं – पाकिस्तानका पूर्वप्रधानमन्त्री इमरान खान पक्राउ परेका छन् । मंगलबार पाकिस्तान तहरिक ए–इन्साफ पार्टीका अध्यक्षसमेत रहेका खानलाई इस्लामाबाद उच्च अदालत बाहिरबाट पक्राउ गरिएको अन्तर्राष्ट्रिय सञ्चारमाध्यमले जनाएका छन् ।

उनी आफूविरुद्धको भ्रष्टाचार मुद्दाको सामना गर्न अदालत पुगेका थिए । उनी अदालत गेट प्रवेश गरेलगत्तै सुरक्षाकर्मीको एक टोलीले उनलाई पछ्याएको रोयटर्सले जनाएको छ ।