काठमाडौं – नेपाल स्टक एक्सचेञ्ज (नेप्से) मा साताको पाचौं कारोबारको दिन आज बिहिबार नेप्से दोहोरो अंकले घटेको छ । बिहीबार १६.६ अंकले घटेर सेयर बजार २०२७.३२ बिन्दुमा आएर रोकियो । बुधबार बजार १३.३३ अंकले बढेर २०४३.९२ को बिन्दुमा पुगेर रोकिएको थियो ।

बिहीबार २२९ कम्पनीको ४७ लाख ११ हजार २५ कित्ता सेयर ३१ हजार २७६ पटक खरिद बिक्री हुँदा कुल कारोबार रकम १ अर्ब ८० करोड ६२ लाख ४ हजार ७६४ रह्यो ।
आज कारोबार भएका २९ कम्पनीको शेयरमूल्य बढेको छ भने १५७ कम्पनीको शेयरमूल्य घटेको छ । बजारमा आज को शेयरमूल्यमा उच्च वृद्धि भएको छ । आरविवि म्युचुअल फण्ड १ को ३.९३ प्रतिशतले बढेर प्रतिकित्ता ८.४६ रुपैयाँ पुगेको छ भने माउन्टेड हाइड्रो शेयरमुल्य ३.२४ प्रतिशतले बढेर प्रतिकित्ता २८७ रुपैयाँ पुगेको छ ।

नेप्सेका अनुसार समिट लघुवित्त वित्तीय संस्था र लिबर्टी इनर्जी कम्पनीका लगानीकर्ताहरुले सर्वाधिक गुमाएका छन् । यसको शेयरमूल्य ५ प्रतिशत भन्दा बढीले घटेको छ । त्यस्तै, कारोबारको आधारमा आज सबैभन्दा बढी लाइफ इन्स्योरेन्स कर्पोरेशनको भएको छ । यसको आज ७ करोड ६५ लाख भन्दा बढीको कारोबार भएको छ ।