काठमाडौं – एमाले निकट प्रेस चौतारी नेपालको पोखरामा यही माघ २२–२३ गते हुने भनिएको नवौँ राष्ट्रिय महाधिवेशन स्थगन भएको छ । कोरोनाको कारण देखाउँदै महाधिवेशन स्थगित गरिएको हो ।

गत पुस १२–१३ गते लुम्बिनीमा सम्पन्न केन्द्रीय कमिटी बैठकबाट निर्णय गरी महाधिवेशनको तयारीमा जुटेको बेला मुलुकमा कोरोना सङ्क्रमण निकै बढदै गइरहेकाले सबै कार्यक्रम बन्द गरिएको चौतारीका अध्यक्ष गणेश बस्नेतले जानकारी दिए ।