काठमाडौं – धनुषाको थिरेश्वरनाथ नगरपालिका–५ स्थित औषधि व्यावसायी राजेश साहको घरमा बम विस्फोटनमा संलग्न रहेको आरोपमा प्रहरीले नेत्रविक्रम चन्द ‘विप्लव’ समूहका पाँचजनालाई पक्राउ गरेको छ ।  पक्राउ पर्नेमा जिल्ला सचिव हंसपुर नगरपालिका–२ का ३२ वर्षीया ललिता देवी महरा लगायत पाँचजना छन् ।

उनीहरुलाई जिल्ला प्रहरी कार्यालय धनुषामा राखेर अनुसन्धान सुरु गरिएको छ । विप्लव समूहले देशका विभिन्न स्थानमा वम विस्फोट गर्दै आएकाले शुक्रबार रातिको विस्फोटमा पनि सोही समूह संग्लन रहेको प्रहरीको दाबी छ । विप्लव समूहले भने आरोपबारे कुनै प्रतिक्रिया दिएको छैन ।