काठमाडौं – विकास बैैंकहरुको संस्था डेभलपमेन्ट बैकर्स एशोसियनको अध्यक्षमा गरिमा विकास बैंकका प्रमुख कार्यकारी अधिकृत गोविन्द ढकाल चुनिएका छन् ।

एशोसियनको साधारणसभाले कार्यवहाक अध्यक्ष रहेका ढकाललाई अध्यक्ष पदमा चुनेको हो । यस्तै एशोसियनको महासचिव पदमा ज्योति विकास बैंकका प्रमुख कार्यकारी अधिकृत मनोज ज्ञवाली चुनिएका छन् ।

एशोसियनका प्रथम उपाध्यक्ष पदमा मुक्तिनाथ विकास बैंकका प्रमुख कार्यकारी अधिकृत प्रद्युम्न पोखरेल,द्धितीय उपाध्यक्षमा गण्डकी विकास बैंकका प्रमुख कार्यकारी अधिकृत रेशम थापा चुनिएका छन् ।

सचिवमा तिनाउ विकास बैंकका प्रमुख कार्यकारी अधिकृत प्रदीपकुमार श्रेष्ठ र कोषाध्यक्षमा सांग्रिला डेभलपमेन्ट बैंकका प्रमुख कार्यकारी अधिकृत सुयोग श्रेष्ठ चुनिए । सदस्यहरुमा भने रेशमप्रसाद जोशी, नरेशसिंह बोहोरा, विरुराम जैसी, प्रवीण बस्नेत र नवीन सुवेदी चुनिएका छन् ।