काठमाडौं– बिश्व प्रसिद्ध मिशेलिन टायरको बिशेष शोरुम हालै काठमान्डूको टेकुमा खोलिएको छ ।
उक्त शोरुमको सिप्रदी ग्रुपका प्रमुख कार्यकारी अधिकृत राजन बाबु श्रेष्ठ, मिशेलिन इन्डियाका क्षेत्रीय बिक्रि प्रबन्धक सत्य प्रसाद तथा श्याम ट्रेडिंगका श्याम कार्कीले संयुक्त रुपमा उद्घाटन गरेका छन् ।

कार्यक्रममा सिप्रदी ग्रुपका सिओओ राजेश प्रसाद गिरि, उपाध्यक्ष सौरभ राज थपलिया तथा सिप्रदी अटोपार्ट्सका महाप्रबन्धक युवराज बुढाथोकीको पनि उपस्थिति थियो ।

उक्त शोरुमले सबै प्रकारका व्यापारिक एवं यात्रुवाहक गाडीहरु लगायत दुइ पाङ्ग्रे सवारी साधनहरुको लागि समेत आबस्यक उच्च गुणस्तरीय टायर उपलब्ध गराउने कम्पनीले बताएको छ ।