बुटवल– ३० किलोग्राम लागुऔषध चरेससहित बुटवलबाट तीन जनालाई पक्राउ गरेको छ।
५ नं. प्रदेश प्रहरी ब्यूरोको विशेष सूचनाको आधारमा ईलाका प्रहरी कार्यालय बुटवलको टोलीले शनिबार साँझ ६ बजे बुटवल बसपार्कबाट उनीहरूलाई पक्राउ गरेको हो।
पक्राउ पर्नेहरूमा मकवानपुर थाहा नगरपालिका वडा नं। ७ का ३६ वर्षीय राजु कुमार स्याङताङ, सोही नगरपालिका वडा नंं ९ का ३७ वर्षीय ईन्द्रमान तामाङ र १९ वर्षीय शंकर तामाङ रहेका छन्।
आलुसहित बोरामा लुकाएर ल्याएको अवस्थामा उक्त परिमाणको चरेस बरामद गरिएको हो । दुइटा आलुको बोरामा ६० वटा लाप्सा बनाएर लुकाएर ल्याएको उक्त चरेस बुटवल बसपार्कबाट अटोरिक्सामा राखी इँट्टाभट्टातर्फ लैजाँदै गर्दा नियन्त्रणमा लिइएको प्रहरीले जनाएको छ ।