काठमाडौं– नेपाल बङ्गलादेश बैंकको प्रस्तावित १०.५३ प्रतिशत नगद लाभांश (लाभांशमा लाग्ने कर सहित) पारित भएको छ । सञ्चालक समितिको उक्त प्रस्तावलाई बिहीबार सम्पन्न बैंकको २४औँ वार्षिक साधारणसभाले पारित गरेको हो ।
उक्त सभाले गत आर्थिक वर्ष २०७४–७५ को मुनाफा तथा जगेडा कोषबाट सेयरधनीहरुलाई उक्त लाभांश दिने प्रस्तावलाई पारित गरेको हो ।
बैंक सञ्चालक समितिका अध्यक्ष जलाल अहमदको सभापतित्वमा सम्पन्न भएको उक्त सभाले बैंकको उद्देश्यसंग सम्बन्धित प्रबन्धपत्रमा रहेका दफाहरुको संशोधन पनि स्वीकृत गरेको छ ।