काठमाडौं– लुम्बिनी हेरिटेज लिमिटेडले आईपीओ निष्काशन गर्ने सहितका प्रस्ताव पारित गर्न साधारणसभा बोलाएको छ। कम्पनीले वैशाख २० गते साधारणसभा बोलाएको हो।

सभामा आर्थिक वर्ष २०८१/८२ को वार्षिक प्रतिवेदन पारित गर्ने, लेखापरीक्षक प्रतिवेदन सहित अन्य वित्तीय विवरण पारित गर्ने, आईपीओ निष्काशन गर्ने, संचालक समितिबाट भएका निर्णय अनुमोदन गर्ने, कम्पनीको प्रबन्धपत्र र नियमावलीमा आवश्यक संशोधन गर्ने, यी कार्यको लागि संचालक समितिलाई अख्तियारी दिने लगायतका प्रस्ताव पेश हुने छन् ।

यस कम्पनीले रुपन्देहीमा क्राउन प्लाजा ब्रान्डमा होटेल संचालन गरिरहेको छ । हाल होटेलमा ११० कोठा रहेकोमा ति मध्ये ७० वटा हाल संचालनमा रहेका छन् । कम्पनीले कोठा क्षमता बढाएर १३८ पुर्याउने तयारी गरिरहेको छ।