काठमाडौं– बिहिबार पनि सेयबजारमा दोहोरो अंकको गिरावट आएको छ ।  आज नेपाल स्टक एक्सचेञ्ज (नेप्से) परिसूचक ०.७५ प्रतिशत अर्थात १९.६७ अंकले घटेर २ हजार ६०१.९२ विन्दुमा सीमित बनेको छ।  आज ३६१ कम्पनीको ८७ लाख ५१ हजार ३८० कित्ता शेयर किनबेच हुँदा ४ अर्ब ६१ करोड माथिको शेयर कारोबार भएको छ ।

आज कारोबारमा आएका १३ वटै समूहमा रातो पोतियो । आज व्यापार समूह सर्वाधिक घट्यो । यो समूह आज २.३६ प्रतिशतले घट्यो । बैंकिङ समूह पनि आज ०.५० प्रतिशत, विकास बैंक १.११, फाइनान्स ०.६२, होटल ०.७६, हाईड्रो ०.७०, लगानी ०.९५, जीवन बीमा ०.६१, उत्पादन तथा प्रशोधन १.१९, लघुवित्त ०.६९,  निर्जीवन बीमा ०.६६ र अन्य ०.१८ प्रतिशतले घट्यो ।

आज २२९ कम्पनीको शेयरमूल्य राताम्मे बन्दा ४२ कम्पनीहरूको शेयरमूल्यमा भने हरियाली छाएको छ।