काठमाडौं –  मौलाकाली केवलकार लिमिटेडले हकप्रद निष्कासन गर्ने भएको छ । कम्पनीले चुक्तापूँजीको ५० प्रतिशत हकप्रद सेयर जारी गर्ने तयारी गरेको हो ।
उक्त हकप्रद निष्कासनको प्रस्ताव पारित गर्न कम्पनीले विशेष साधारण सभा आह्वान समेत गरेको छ । असार २४ गते बसेको कम्पनीको सञ्चालक समितिको बैठकले आगामी साउन १३ गते काठमाण्डौको पानीपोखरीमा रहेको आइएमई कम्प्लेक्समा अपरान्ह ४ बजेदेखि सभा सञ्चालन गर्ने निर्णय गरेको हो ।

उक्त सभामा हकप्रद निष्कासन गर्ने, जारीपूँजी वृद्धि गर्ने र कम्पनीको प्रबन्धपत्रमा संशोधन गर्ने जस्ता प्रस्तावहरु पारित गरिनेछ ।

कम्पनीले आईपीओ निष्कासनको अनुमति माग गर्दै विसं २०८२ कात्तिक २४ गते नेपाल धितोपत्र बोर्ड(सेबोन)मा आवेदन दिएको छ । कम्पनीले ४७ करोड ४ लाख रुपैयाँबराबरको रु.१०० अंकित दरका ४७ लाख ४ हजार कित्ता आईपीओ निष्कासन गर्ने तयारी गरेको छ ।