काठमाडौं – सिद्धार्थ बैंक लिमिटेडले संस्थापक सेयरधनीको स्वामित्वमा रहेको संस्थापक सेयर बिक्रीमा राखेको छ । बैंकले आजदेखि २ लाख ७२ हजार ७३७ कित्ता संस्थापक सेयर बिक्रीमा राखेको हो ।

यो सेयर खरिदका लागि आज सर्वसाधारणले खरिद आवेदन दिन सक्नेछन् । सेयर खरिद गर्न इच्छुक लगानीकर्ताले काठमाण्डौको नक्सालमा रहेको बैंकको केन्द्रीय कार्यालयमा रहेको कम्पनी सचिवका कार्यालयमा आफू लिन चाहेको सेयर संख्या खुलाई लिखित आवेदन दिनुपर्नेछ।

यस्तो आवेदन सूचना प्रकाशित भएको ७ दिनभित्र आवेदन दिनुपर्नेछ। यसअघि ३५ दिने सूचना जारी गर्दै बैंकका विद्यमान संस्थापक सेयरधनीहरुका लागि बिक्रीमा राखिएको भएपनि आवेदन नपरेमाले आम सर्वसाधारणका लागि बिक्री गर्न लागिएको बैंकले जनाएको छ ।