काठमाडौं – सिन्धु विकास बैंकको प्रमुख कार्यकारी अधिकृत (सीईओ)मा गणेशकुमार केसी नियुक्त भएका छन्। बैंक सञ्चालक समितिको आइतबार बसेको बैठकले केसीलाई आज जेठ ११ गतेदेखि लागू हुने गरी सीईओमा नियुक्त गर्ने निर्णय गरेको हो। उनको कार्यकाल ४ वर्षको हुनेछ।

यसअघि केसी बैंकमा नायब सीईओका रुपमा कार्यरत थिए।  नवनियुक्त सीईओ केसीसँग बैंक तथा वित्तीय संस्थामा करिब २२ वर्षभन्दा बढी समय काम गरेको लामो र व्यावसायिक कार्यअनुभव छ ।