काठमाडौं- नेशनल हाईड्रोपावर कम्पनी लिमिटेडको चालु आवको तेस्रो त्रैमाससम्म नाफा र आम्दानी दुवै बढेको छ । कम्पनीले चालु आवको तेस्रो त्रैमाससम्म विद्युत बिक्रीबाट १३ करोड ५५ लाख रुपैयाँ आम्दानी गरेको छ । अघिल्लो आवको सोही अवधिसम्म भने कम्पनीले विद्युत बिक्रीबाट १२ करोड ९९ हजार रुपैयाँ आम्दानी गरेको थियो ।
विद्युत बिक्री आम्दानी बढेसँगै कम्पनीको नाफामा समेत सुधार आएको छ । यो अवधिमा कम्पनीको खुद नाफा ६८३.१६ प्रतिशतले बढी हो । अघिल्लो आवको तेस्रो त्रैमाससम्म २४ लाख ५८ हजार रुपैयाँबराबरको खुद नाफा आर्जन गरेको कम्पनीले समीक्षा अवधिसम्म भने १ करोड ९२ लाख रुपैयाँ खुद नाफा कमाएको छ ।

कम्पनीको प्रशासनिक खर्च १ करोड २८ लाखबाट घटेर ३० लाख ७५ हजारमा सीमित बनेको छ । वित्त खर्च समेत १ करोड ७४ लाखबाट घटेर १ करोड ६४ हजारमा सीमित बनेको छ ।

समीक्षा अवधिसम्म कम्पनीको प्रतिसेयर आम्दानी(ईपीएस) १.०४ रुपैयाँ ,प्रतिसेयर कुल सम्पत्तिको मूल्य १३८.६९ रुपैयाँ,प्रतिसेयर नेटवर्थ ९७.४१ रुपैयाँर मुल्य आम्दानी अनुपात ३१८.३४ गुणा कायम भएको छ ।