काठमाडौं– अरुण भ्याली हाइड्रोपावर लिमिटेडले चालु आवको तेस्रो त्रैमाससम्म १३ करोड ३६ लाख ८५ हजार रुपैयाँ मात्रै नाफा कमाएको छ ।
यो नाफा गत आवको सोही अवधिसम्मको तुलनामा ६०.९० प्रतिशत कम हो । गत आवको सोही अवधिसम्म कम्पनीले ३४ करोड १८ लाख रुपैयाँ नाफा कमाएको थियो ।

कम्पनीको विद्युत बिक्रीबाट हुने आम्दानी भने सामान्य बढेको छ । गत आवको चैत मसान्तसम्म १९ करोड ७४ लाख रुपैयाँ बिजुली बेचेर आम्दानी गरेको यो कम्पनीले चालु आवको चैत मसान्तसम्म १६.०५ प्रतिशत वृद्धि गरी २२ करोड ९१ लाख रुपैयाँ पुर्याएको छ ।

कम्पनीको प्रतिसेयर आम्दानी ४.४१ रुपैयाँमा सीमित भएको छ भने प्रतिसेयर नेटवर्थ ११०.७१ रुपैयाँ, पीई रेसियो ६५.८० गुणा र तरलता अनुपात ४०.७९ प्रतिशत रहेको छ ।

कम्पनीको डिप्रिसियसन (भौतिक सम्पत्ति)र एमोर्टाइजेसन (अभौतिक सम्पत्ति) खर्च बढ्दा नाफा घट्न पुगेको हो । गत आवको तेस्रो त्रैमाससम्म कम्पनीको यस्तो खर्च ६ करोड ८६ लाख रुपैयाँ रहेकोमा चालु आवको सो अवधिसम्म ५.८० प्रतिशत बढेर ७ करोड २६ लाख रुपैयाँ पुगेको छ ।