काठमाडौं– नेपाली बजारमा बैशाख २७ गते आईतबार सुनको मूल्य घटेको छ भने चाँदी बढेको छ । आज सुन प्रतितोला एक हजार रुपैयाँ घटेको छ भने चाँदी तोलामा २५ रुपैयाँले बढेको हो।

नेपाल सुनचाँदी व्यवसायी महासंघका अनुसार आज सुन प्रतितोला दुई लाख ९८ हजार ९०० रुपैयाँमा कारोबार भइरहेको छ। गत शुक्रबार सुन प्रतितोला दुई लाख ९९ हजार ९०० रुपैयाँमा खरिदबिक्री भएको थियो।

आज चाँदी प्रतितोला पाँच हजार ३०० रुपैयाँ खरिदबिक्री भइरहेको छ। गत शुक्रबार चाँदी प्रतितोला पाँच हजार २७५ रुपैयाँ कारोबार भएको थियो।