काठमाडौं– नेपाल स्टक एक्सचेन्ज नेप्सेमा विजय लघुवित्तले निष्काशन गरेको एफपीओ सूचीकृत भएको छ। आज कम्पनीको ४ लाख ६६ हजार ८ सय १७ कित्ता एफपीओ शेयर सूचीकृत भएको हो। यस सगै अब लगानीकर्ताको डिम्याट खातामा आएपछि यी शेयर खरिद बिक्री गर्न सकिने छ ।

कम्पनीले पुस २१ गतेदेखि पुस २४ गतेसम्म सर्वसाधारणलाई ४ करोड ६६ लाख ८१ हजार ७ सय रुपैयाँ बराबरको ४ लाख ६६ हजार ८ सय १७ कित्ता शेयर निष्काशन गरेको थियो। माग भन्दा बढीको आवेदन परेकोले गोलाप्रथाबाट शेयर बाँडफाँड गरिएको थियो। जसमा ४६ हजार ६ सय ८१ जनाले मात्र शेयर पाएका थिए। ति मध्ये ७ जनाले ११ कित्ता शेयर पाएका थिए।