काठमाडौं– नेपाली बजारमा फागुन १९ गते, मंगलबार सुनको मूल्य बढेको छ । मंगलबार सुन २ हजार ५०० रुपैयाँले बढेको हो।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला तीन लाख २८ हजार ६०० रुपैयाँ कायम भएको छ। सोमबार प्रतितोला ३ लाख २६ हजार १०० रुपैयाँमा कारोबार भएको थियो ।
चाँदीको मूल्य भने घटेको छ। मंगलबार चाँदी २०५ रुपैयाँले घटेर प्रतितोला ५ हजार ८१५ रुपैयाँमा कारोबार भईरहेको छ । सोमबार चाँदी प्रतितोला ६ हजार २० रुपैयाँमा कारोबार भएको थियो।