काठमाडौँ – जेनजी आन्दोलनका कारण भएको क्षतिलाई चाँडो सम्बोधन गर्ने उद्देश्यले निर्माण व्यवसाय विकास परिषद्बले पुनर्निर्माण तथा राहतका लागि स्थापना गरिएको कोषमा एक करोड रुपैयाँ थप योगदान गरेको छ।

परिषद् मातहत रहेको निर्माण व्यवसायी कोषबाट बुधबार भौतिक पुनर्निर्माण कोषमा रकम बुझाइएको हो। परिषद्का अध्यक्षसमेत रहेका भौतिक पूर्वाधार तथा यातायातमन्त्री कुलमान घिसिङले सहरी विकास मन्त्रालयका सचिव गोपालप्रसाद सिग्देललाई चेक हस्तान्तरण गरे। यससँगै कोषमा जम्मा रकम ७ करोड ५४ लाख रुपैयाँ पुगेको छ।

आन्दोलनले क्षति पुर्‍याएका सार्वजनिक तथा सरकारी संरचनाको पुनःस्थापना, आर्थिक पुनरुत्थान र राहत कार्यक्रमलाई प्रभावकारी बनाउन सरकारद्वारा अर्थमन्त्रीको अध्यक्षतामा भौतिक पुनर्निर्माण समिति गठन गरिएको छ।

समितिको हालैको बैठकले कोषमा जम्मा भएको रकमलाई क्षतिग्रस्त संरचनाको विस्तृत इन्जिनियरिङ डिजाइन ९डीईडी० तयार पार्न, सार्वजनिक भवन तथा सेवा केन्द्रहरूको तत्काल मर्मतसम्भार गरी सेवा संचालन पुनःस्थापना गर्न तथा आवश्यक पुनर्स्थापना तथा राहत कार्यक्रम अघि बढाउन उपयोग गर्ने निर्णय गरेको छ।