काठमाडौँ – जस्मिन पेन्ट्स लिमिटेडले साधारण जनता बीच सेयर बिक्री गर्न प्रारम्भिक सार्वजनिक निष्कासन (IPO) गर्ने तयारी गरेको छ। यसका लागि कम्पनीले नेपाल धितोपत्र बोर्ड (सेबोन) समक्ष अनुमति माग्दै निवेदन दर्ता गरेको छ।

कम्पनीले अंकित मूल्य प्रतिकित्ता १०० रुपैयाँका दरले कुल १० करोड रुपैयाँ बराबरका १० लाख कित्ता सेयर जारी गर्ने प्रस्ताव गरेको छ। यसका लागि जस्मिन पेन्ट्सले गत भदौ १८ गते सेबोनमा औपचारिक आवेदन दिएको हो।

कम्पनीको निष्कासन तथा बिक्री प्रबन्धकको जिम्मेवारी सानिमा क्यापिटल लिमिटेड ले पाएको छ। सेबोनबाट स्वीकृति प्राप्त भएलगत्तै कम्पनीले सर्वसाधारणलाई आइपीओ बिक्री गर्नेछ।