काठमाडौं – साता कारोबारको चौथोे दिन अर्थात बुधबार नेपाल स्टक एक्सचेञ्ज (नेप्से) १२.१७ अकंले बढेर २६०७.४२ बिन्दुमा कायम भएको छ । आज३१२ कम्पनीको ९२ लाख १८ हजार कित्ता शेयर किनबेच हुँदा ४ अर्ब ६८ करोड १९ लाख रुपैयाँको कारोबार भएको हो ।

यसदिन, ११ उपसूचकमा हरियाली देखिएको छ । आज वाणिज्य बैंक समूहको ०.५६ प्रतिशत, विकास बैंक समूहको ०.०८ प्रतिशत, फाइनान्स समूहको ३.४१ प्रतिशतले शेयर मूल्य बढेको छ ।

बुधबार १४९ कम्पनीको शेयर मूल्य बढेको छ भने ९० कम्पनीको घटेको छ । १२ कम्पनीको शेयर मूल्यमा भने स्थिर देखिएको छ ।

आज सबैभन्दा धेरै यूनियन हाइड्रोपावरको शेयर कारोबार भएको छ । आज यस कम्पनीको ३८ करोड ६१ लाख रुपैयाँको शेयर कारोबार भएको छ ।