काठमाडौं – नेपाली बजारमा मंगलबार सुनको मूल्य वृद्धि भएर ऐतिहासिक उचाईमा पुगेको छ । आज सुन प्रतितोला दुई हजार ३०० रुपैयाँ बढेको छ भने चाँदी ऐतिहासिक उचाईमा पुगेर स्थिर भएको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ३५ हजार ४०० रुपैयाँमा कारोबार भइरहेको छ । सोमबार छापावाल सुन प्रतितोला २ लाख ३३ हजार १०० रुपैयाँमा कारोबार भएको थियो । सोमबार कायम रेकर्डलाई ब्रेक गर्दै सुनको मूल्यले एतिहासिक उचाई बनाएको हो ।

यसैगरी, आज चाँदीको मूल्य भने स्थिर भएको छ । आज चाँदीको मूल्य सोमबारको बजारमा कायम भएको मूल्यलाई आधार मानेर खरिदबिक्री हुने भएको हो । मंगलबार चाँदी दुई हजार ९६० रुपैयाँमा कारोबार भइरहेको छ ।