काठमाडौं – नेपाल स्टक एक्सचेन्ज (नेप्से) मा तीन कम्पनीको शेयर मूल्य समायोजन भएको छ । सनराइज फोक्सड इक्विटी फण्डको १३.५० प्रतिशत नगद लाभांशमा मूल्य समायोजन भएको हो । यसको आज अन्तिम कारोबार मूल्य १०.३६ रुपैयाँलाई आधार मानेर मूल्य समायोजन भएको छ । समायोजन पछिको कम्पनीको मूल्य ९.०१ रुपैयाँ पुगेको छ ।

सनराइज फस्र्ट म्युचुअल फण्डको १४ प्रतिशत नगद लाभांशमा मूल्य समायोजन भएको छ । अन्तिम कारोबार मूल्य १०.८९ रुपैयाँलाई आधार मानेर मूल्य समायोजन भएको छ । सो पश्चात अब कम्पनीको मूल्य ९.४९ रुपैयाँ कायम भएको छ ।

त्यसैगरी लक्ष्मी उन्नति कोषको २० प्रतिशत नगद लाभांशमा मूल्य समायोजन भएको छ । अन्तिम कारोबार मूल्य ११.८१ रुपैयाँलाई आधार मानेर मूल्य समायोजन भएको छ । समायोजन पश्चात कम्पनीको मूल्य ९.८१ रुपैयाँ कायम भएको छ ।