काठमाडौं – नेपाली बजारमा सुनचाँदीको मूल्य घटेको छ। आज सुन २ हजार ४०० रुपैयाँले घटेको हो। नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ९५ हजार २०० रुपैयाँमा कारोबार भइरहेको छ। बुधबारको बजारमा सुन प्रतितोला १ लाख ९७ हजार ६०० रुपैयाँमा कारोबार भएको थियो।
आज चाँदीको मूल्य भने तोलामा १५ रुपैयाँ घटेको छ। आज चाँदी तोलाको २ हजार ३३५ रुपैयाँमा कारोबार भइरहेको छ। बुधबार तोलाको २ हजार ३५० रुपैयाँ पुगेर नयाँ रेकर्ड बनाएको थियो ।