काठमाडौं – रुबि भ्याली हाइडोपावर कम्पनी लिमिटेडले आठौं वार्षिक साधारण सभा आब्हान गरेको छ । सभा वैशाख २४ गते, बुधबार गर्ने भएको छ । कार्यालय, का.म.पा. वडा नं. ०४, सुकेधारामा गर्ने भएको हो । सभा दिउँसोको १२ बजेदेखि सुरु हुनेछ ।

सभाले संचालक समितिको तर्फबाट अध्यक्षद्वारा प्रस्तुत हुने वार्षिक प्रतिवेदन उपर छलफल गरी पारित गर्ने, लेखा परीक्षकको आर्थिक वर्ष २०८० /०८१ को लेखापरिक्षकको प्रतिवेदन सहितको वासलात, नाफा नोक्सान हिसाब तथा नगद प्रवाह विवरण लगायतको वित्तिय विवरणहरु पारित गर्नेछ ।

सभाले आर्थिक वर्ष २०८१/०८२ को लेखापरीक्षण गर्नको लागि लेखापरीक्षकको नियुक्त गर्ने र निजको पारिश्रमिक तोक्ने, आगामी आर्थिक वर्षको लागि कार्य योजना तयार पार्ने तथा गत आर्थिक वर्षको कार्यको समिक्षा गर्ने, संचालक समितिले गरेका निर्णयहरु अनुमोदन गर्ने लगायतका विविध प्रस्ताव पारित गर्नेछ ।