काठमाडौं -नेपाली बजारमा बिहीबार सुनको मूल्य ऐतिहासिक उचाईमा पुगेको छ। नेपाल सुनचाँदी व्यवसायी महासंघका अनुसार यस दिन छापावाल सुनको मूल्य प्रतितोला १ लाख ८० हजार ३०० रुपैयाँ पुगेको छ। बुधबारको तुलनामा सुनको मूल्य प्रतितोला १ हजार २०० रुपैयाँ बढेको हो। बुधबार नेपाली बजारमा सुन प्रतितोला १ लाख ७९ हजार १०० रुपैयाँमा कारोबार भएको थियो।

आज चाँदीको मूल्य भने घटेको छ। बुधबार तोलाको २ हजार २० रुपैयाँमा कारोबार भएको चाँदी, विहिबार तोलामा २५ रुपैयाँ घटेर १ हजार ९९५ रुपैयाँमा कारोबार भइरहेको छ।