काठमाडौं – नेपाल इन्भेष्टमेन्ट मेगा बैंकमा ०.५ प्रतिशत वा सो भन्दा बढी शेयर संख्या हुने शेयरधनीको संख्या १५ रहेको छ। यी सबै संस्थागत शेयरधनी हुन् ।

बैंकको सबैभन्दा ठूलो शेयरधनीको रुपमा राष्ट्रिय बीमा कम्पनी लिमिटेड रहेको छ, जो सँग बैंकको ६.७३ प्रतिशत शेयर स्वामित्व रहेको छ। त्यस्तै महालक्ष्मी इन्भेष्टमेन्ट प्रालिसँग बैंकको ३.९६ प्रतिशत शेयर स्वामित्व रहेको छ।

बैंकमा छायाँ इन्भेष्टमेन्ट प्रालिको ३.६८ प्रतिशत, केयुपी इन्भेष्टमेन्ट प्रालिको ३.५१ प्रतिशत, सोफिया इन्भेष्टमेन्ट प्रालिको ३.३३ प्रतिशत तथा नागरिक लगानी कोषको १.३२ प्रतिशत शेयर स्वामित्व रहेको छ। बाँकि शेयरधनीको भने १ प्रतिशतभन्दा कम स्वामित्व रहेको छ।