काठमाडौं- नेपाल प्रिमियर लिग (एनपिएल) को खेल तालिका सार्वजनिक भएको छ।   नेपाल क्रिकेट संघ (क्यान) ले सोमबार सार्वजनिक गरेको तालिकाअनुसार १५ मंसिरको उद्घाटन खेलमा विराटनगर किङ्ग्स र जनकपुर बोल्ट भिड्नेछन् ।  सो खेल मध्यान्ह १२:१५ मा हुनेछ।

पहिलो खेल बिहान सवा ९ र दोस्रो खेल दिउसो सवा १ बजे हुनेछन्। नेपाल प्रिमियर लिगमा सहभागी आठ टोली एक अर्कासँग भिडेपछि प्लेअफ हुनेछ। शीर्ष २ मा रहने टोली क्वालिफायरमा पुग्नेछन् भने तेस्रो र चौथो हुने टिम एलिमिनेटरमा भेट्नेछन्। फाइनल खेल पुस ६ मा हुनेछ। मंसिर १६ गते स्थानीय तहको उपनिर्वाचनका कारण कुनै खेल हुने छैन। फाइनल खेल ६ पुसमा हुनेछ ।