काठमाडौं –  एभरेष्ट कलर लिमिटेडले आईपीओ निष्काशन गर्ने भएको छ। कम्पनीले मङ्सिर १ गते बोलाएको साधारणसभामा विशेष प्रस्तावको रुपमा आईपीओ निष्काशन गर्ने प्रस्ताव पारित गर्न लागेको हो ।

प्रबन्धपत्रमा उल्लेख भए बमोजिम सर्वसाधारणका लागि छुट्याइको शेयर जारी गर्ने प्रस्ताव पारित गरिने कम्पनीले जनाएको छ। सभा वाईट प्यालेस बैंकेट, मध्यपुर ठिमी ३, भक्तपुर बिहान ११ बजेबाट सुरु हुनेछ । निकट भविष्यमा आइपीओ जारी गर्ने तयारी गरेको कम्पनीले साधारणसभाबाट आइपीओ निष्कासनको प्रस्ताव पारित गर्ने जनाएको छ ।

२०६८ सालमा स्थापना भएको यस कम्पनीले विभिन्न रङ्ग, इमल्सन, प्राइमर, इनामेल उत्पादन गर्दै आएको छ ।