काठमाडौं – नेपाली बजारमा सुनचाँदीको मुल्यले दैनिक नयाँ रेकर्ड बनाउँदै आएको छ । आज बुधबार पनि सुनचाँदीको मुल्यले नयाँ कीर्तिमान कायम गरेको छ। आज सुन प्रतितोलामा ८ सय रुपैयाँले बढेर १ लाख ६६ हजार ७ सय रुपैयाँमा कारोबार भइरहेको छ । मंगलबार सुन तोलामा १ लाख ६५ हजार ९ सय रुपैयाँमा कारोबार भएको थियो । यो मुल्य हालसम्मकै उच्च हो।

नेपाल सुनचाँदी ब्यवसायी महासंघका अनुसार आज चाँदीको मुल्य पनि तोलामा ३५ रुपैयाँ बढेर २ हजार १ सय ३५ रुपैयाँ कायम भएको छ। मंगलबार चाँदी तोलाको २ हजार १ सय रुपैयाँमा कारोबार भएको थियो।