काठमाडौं– नेपाल पूर्वाधार विकास बैंक (निफ्रा) को प्रमुख कार्यकारी अधिकृत (सीइओ)मा कृष्ण बहादुर अधिकारीलाई नियुक्त गरेको छ।

बैंकको बुधबार बसेको बैंक सञ्चालक समितिको बैठकले अधिकारीलाई सीईओमा नियुक्त गर्ने निर्णय गरेको हो । अधिकारीले भदौ २ गतेदेखि कार्यभार सम्हाल्ने छन् । उनलाई चार वर्षका लागि नियुक्त गरिएको हो ।

अधिकारी यसअघि नेपाल बैंकको प्रमुख कार्यकारी अधिकृत भएर काम गरिसकेका छन् । यसअघि निफ्राको पूर्व कार्यकारी अधिकृत रामकृष्ण खतिवडाले गत माघमा राजीनामा दिएपछि उक्त पद खाली थियो ।