काठमाडौं- ज्योति विकास बैंक लिमिटेडले सहायक महाप्रबन्धक पदमा बलदेव थापालाई बढुवा गरेको छ । आन्तरिक प्रतियोगितात्मक परीक्षाबाट पदोन्नति गरेको बैंकले जनाएको छ। बैंकिङ क्षेत्रमा १९ वर्षभन्दा बढीको अनुभव र विशेषज्ञता भएका नव नियुक्त सहायक महाप्रबन्धक बलदेव थापाले नेपाल बैंक लिमिटेडबाट बैंकिङ यात्रा सुरुवात गरि विभिन्न वाणिज्य बैंक र राष्ट्रिय स्तरका विकास बैंकहरूमा व्यवस्थापकीय पदमा विविध बैंकिङ कार्यहरूमा बहुआयामिक अनुभव हासिल गरको छन् ।
विगत ७ वर्षदेखि ज्योति विकास बैंकमा आवद्ध श्री थापाले हाल प्रमुख सञ्चालन अधिकृत, प्रमुख बजारिकरण अधिकृत, मानव संसाधन विभाग प्रमुख तथा कम्पनी सचिवको कार्यभार सम्हाल्दै आएका छन् । थापा आफ्नो जिम्मेवारी कुशलतापूर्वक निर्वाह गर्ने अनुभवी बैंकरको रुपमा परिचित छन् । मिति २०८१ साउन १ गते बाट लागु हुने गरि बैंकको सहायक महाप्रबन्धक पदमा बलदेव थापालाई पदोन्नति गर्ने निर्णय गरेको बैंकले जनाएको छ ।